Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
banner
   þri 19. júní 2018 10:40
Magnús Már Einarsson
Valur mætir Rosenborg - Bendtner, Matti og fleiri
Nicklas Bendtner framherji Rosenborg.
Nicklas Bendtner framherji Rosenborg.
Mynd: Getty Images
Íslandsmeistarar Vals mæta norsku meisturunum Rosenborg í fyrstu umferð Meistaradeildarinnar en dregið var nú rétt í þessu.

Matthías Vilhjálmsson er á mála hjá Rosenborg sem og Nicklas Bendtner, fyrrum framherji Arsenal.

Bendtner hefur reyndar verið að glíma við meiðsli og af þeim sökum er hann ekki í HM hópi Dana. Hann gæti þó náð leikjunum gegn Val.

Andre Hansen, fyrrum markvörður KR, og Alexander Söderlund, fyrrum framherji FH, eru einnig í liði Rosenborg.

Arnór Ingvi Traustason og félagar í Malmö drógust gegn liði úr forkeppninni en það á eftir að skýrast hvaða lið það verður.

Leikirnir fara fram 10/11 og 17/18. júlí næstkomandi.
Athugasemdir
banner
banner
banner
banner
banner