Elmohamady, sem er 29 ára gamall, mun nú aftur fá tækifæri til að vinna með Steve Bruce, en Bruce er fyrrum þjálfari Hull.

Aston Villa nýtti sér klásúlu í samningi leikmannsins, en hún tók gildi eftir að Hull féll úr ensku úrvalsdeildinni. Riftunarverðið í samningi hans varð 1 milljón punda eftir að Hull féll.

Hann er þriðji leikmaðurinn sem Aston Villa fær til sín í sumar, en áður höfðu John Terry og Sam Johnstone samið við félagið.

Birkir Bjarnason leikur með Aston Villa, en hann kom þangað í janúar. Hann er að jafna sig af meiðslum og hefur verið duglegur að spila með liðinu á undirbúningstímabilinu.

#WelcomeElmo#PartOfThePride #AVFC pic.twitter.com/gmSf8zZS3Z

— Aston Villa FC (@AVFCOfficial) July 19, 2017