“Það er eins og fyrri daginn að heimavöllurinn er að gefa okkur mjög lítið og við verðum að sætta okkur við jafntefli hérna í dag,” sagði Bjarni Jóhannsson þjálfari KA eftir 1-1 jafntefli við BÍ/Bolungarvík á Akureyri í dag.
Lestu um leikinn: KA 1 - 1 BÍ/Bolungarvík
“Fyrri hálfleikurinn var mjög góður af okkar hálfu og með betri hálfleikjum sem við höfum sýnt. Þar eigum við náttúrlega að ganga frá leiknum en við gerðum það ekki. Við fengum fullt af fínum sóknum og álitlegum færum til að skora fleiri en eitt mark og síðan mættum við bara ekki nógu grimmir inn í seinni hálfleikinn,” sagði Bjarni einnig.
“Ég tek það náttúrlega ekki af BÍ að þeir mættu grimmari í seinni hálfleikinn og settu okkur örlítið útaf laginu, við fengum á okkur jöfnunarmarkið snemma og síðan var þessi leikur bara í járnum.”
Srdjan Rajkovic átti frábæran leik í marki KA.
“Rakjo átti mjög fínan leik og var óheppinn þegar markið kom að geta ekki hreinsað betur en hann er búinn að vera mjög traustur í markinu í sumar,” sagði Bjarni.
Nánar er rætt við Bjarna í sjónvarpinu hér að ofan.
Athugasemdir