Glódís Perla Viggósdóttir, miðvörður íslenska landsliðsins er tæp fyrir landsleikinn gegn Dönum á fimmtudaginn en hún hefur kvartað undir verkjum í nára. Hún æfði með landsliðinu í dag.
Hún hefur ekkert getað leikið með Stjörnunni í síðustu tveimur umferðum í Pepsi-deildinni og fór í myndatöku í gær. Búast má við því að niðurstöður komi seinna í dag.
Hún hefur ekkert getað leikið með Stjörnunni í síðustu tveimur umferðum í Pepsi-deildinni og fór í myndatöku í gær. Búast má við því að niðurstöður komi seinna í dag.
Guðrún Arnardóttir leikmaður Breiðabliks hefur verið kölluð inn í hópinn og æfði með liðinu í dag.
Ljóst er að nýtt miðvarðarpar spilar fyrir Ísland á fimmtudaginn, því Sif Atladóttir er ekki í hópnum að þessu sinni vegna meiðsla.
Leikur Íslands og Danmerkur í undankeppni HM hefst klukkan 19:30 á fimmtudaginn, en bæði lið þurfa á sigri að halda og því er um að ræða mjög mikilvægan leik. Liðin skyldu jöfn 1-1 ytra í fyrri umferðinni.
Athugasemdir