Stjarnan mætir Inter frá Mílanó í forkeppni Evrópudeildarinnar, annað kvöld. Leikurinn fer fram á Laugardalsvelli en löngu er orðið uppselt á þennan leik sem hefst klukkan 21:00.
Þetta er fyrri leikur liðanna í forkeppninni, en sigurvegararnir úr þessu einvígi tryggja sér sæti í riðlakeppni Evrópudeildarinnar. Það mun mæða mikið á Ingvari Jónssyni markverði Stjörnunnar annað kvöld.
Þetta er fyrri leikur liðanna í forkeppninni, en sigurvegararnir úr þessu einvígi tryggja sér sæti í riðlakeppni Evrópudeildarinnar. Það mun mæða mikið á Ingvari Jónssyni markverði Stjörnunnar annað kvöld.
,,Það er spurning hvort það verði erfitt að sofna í kvöld. Það er langt í leik, leikurinn er klukkan níu, svo maður getur lagt sig um daginn," segir Ingvar Jónsson sem segir það ekkert trufla sig þó leikurinn verði á Laugardalsvelli, en ekki á gervigrasinuvellinum í Garðabæ.
,,Það er gaman að æfa við góðar aðstæður á Laugardalsvelli, þetta er mjög gaman. Það hefði kannski verið betra fyrir okkur að spila á gervigrasi og truflað þá kannski í leiðinni en ég held að það verði bullandi stemning á vellinum og gaman fyrir alla í hópnum að spila fyrir framan fullan Laugardalsvöll. Það gerist ekki oft," segir Ingvar og bætir við að hann hafi alltaf haft trú á því að það yrði uppselt á þennan elik.
,,Kannski ekki að þeir sem áttu árskort myndu kaupa 6000 miða. Það er hinsvegar jákvætt og það verður greinilega margir Garðbæingar á vellinum."
,,Ég "Youtube-aði" sóknarmenn Inter í gærkvöldi og það var nóg af efni að finna af þeim síðustu tvö árin. Ég er búinn að horfa aðeins á þá og þetta eru hörku spilarar," segir Ingvar.
Viðtalið í heild sinni er hægt að sjá í sjónvarpinu hér að ofan.
Athugasemdir