Það voru fjórir leikir í 2. deild kvenna í gær.

Afturelding/Fram hefur tryggt sæti sitt í 1. deild kvenna að ári. Liðið spilaði gegn Fjölni í gær og gerði markalaust jafntefli. Þetta voru fín úrsit fyrir Fjölni, sem er að berjast um að komast upp með Aftureldingu/Fram. Það eru nokkur lið sem eru að berjast.

Þar á meðal Álftanes, sem er í öðru sæti eftir stóran sigur í gær. Þær mættu botnliði Hvíta riddarans, sem er aðeins með eitt stig eftir 13 leiki spilaða. Álftanes vann leikinn í gær 9-0!

Álftanes er eins og áður segir í öðru sæti, en í þriðja sætinu er Völsungur. Stelpurnar frá Húsavík þurftu að sætta sig við 3-1 tap gegn Augnabliki í gær. Augnablik er í sjötta sæti.

Liðin í öðru til sjötta sæti eiga öll góðan möguleika á að fara upp.

Að lokum gerði Einherji markalaust jafntefli á heimavelli gegn sameiginlegu liði Fjarðabyggðar, Hattar og Leiknis F..