Á X977 í dag var opinberað hverjir þrír efstu í hverjum flokki eru og hér að neðan má sjá þrjá bestu markverðina.

Það var jöfn og spennandi barátta um markvarðarstöðuna en þeir þrír sem voru efstir höfðu þó nokkra yfirburði.

Þátttakendum gafst kostur á að koma með rökstuðning fyrir vali sínu og birtum við valin ummæli með.

---

1. Anton Ari Einarsson (Valur)

„Frábær fótavinna og góður í spilinu, hann er í raun líka ellefti útileikmaðurinn ."

„Aðeins fengið tólf mörk á sig í deildinni. Það þarf í raun ekki að segja meira."

„Búinn að standast pressuna á þessu tímabili, frábær markvörður. Sá eini sem þorir að hafa boltann í fótunum. Hefur þaggað niður í mörgum efasemdarröddum."

„Hefur komið gríðarlega mikið á óvart í sumar og bjargað þó nokkrum stigum fyrir Valsara. Án hans væru þeir ekki á toppnum."

---

2. Gunnar Nielsen (FH)

„Vörn FH hefur verið galopin á leiktíðinni en FH aðeins fengið á sig 16 mörk í 14 leikjum sem gerir FH af næst besta varnarliðinu. Hefur verið að verja mjög vel"

„Færeyingurinn hefur oft bjargað FH á ögurstundu."

„Heilsteyptasti markvörður deildarinnar."

---

3. Cristian Martínez (Víkingur Ó.)

„Er búinn að halda Víkingunum á lífi í þessari deild með mögnuðum markvörslum."

„Liðið væri ekki í þeirri stöðu sem það er í dag ef hann væri ekki til staðar."

„Ver bara eins og f-ing smokkfiskur."