Kíkjum á það hvað íslenskir atvinnumenn voru að gera í dag.
Danmörk
Eggert Gunnþór Jónsson spilaði í dag sinn fyrsta leik með danska liðinu Sönderjyske. Hann kom inn á sem varamaður á 55. mínútu gegn stórliði FCK. Staðan var 1-0 fyrir FCK þegar Eggert kom inn á, en fljótlega breyttist staðan. Sönderjyske komst í 2-1, en þeir misstu síðan forystuna niður og lokatölur urðu 3-2 fyrir FCK.
Sönderjyske er í sjötta sæti dönsku úrvalsdeildarinnar.
FCK 3 - 2 Sönderjyske
1-0 K. Kusk ('27)
1-1 C Jakobsen ('59)
1-2 M. Uhre ('62)
2-2 B. Verbic ('81)
3-2 A. Pavlovic ('84)
I dag fylder Eggert Jonsson 29. I morgen er han med i #sldk truppen for første gang og kan få debut for SønderjyskE. Tillykke 🇮🇸 pic.twitter.com/6aCOBDqHCe
— SønderjyskE Fodbold (@SEfodbold) August 18, 2017
Noregur
Samúel Kári Friðjónsson var ónotaður varamaður þegar Vålerenga tapaði gegn Lilleström í dag. Vålerenga er í 12. sæti norsku úrvalsdeildarinnar eftir þetta tap gegn Lilleström í dag.
Lilleström 2 - 1 Vålerenga
1-0 F. Kippe ('9)
1-1 C. Grindheim ('29)
2-1 I. Matthew ('43)
Skotland
Kári Árnason var á bekknum annan leikinn í röð. Hann kom ekki við sögu í 2-1 sigri Aberdeen. Kári byrjaði fyrsta leik Aberdeen, en eftir slaka frammistöðu þar hefur hann verið geymdur á bekknum.
Aberdeen 2 - 1 Dundee
1-0 S. May ('11)
1-1 R. Deacon ('53)
2-1 S. May ('79)
Tyrkland
Tyrkneska úrvalsdeildin er farin að rúlla. Ólafur Ingi Skúlason og félagar hans í Kardemir Karabukspor unnu 3-1 gegn Basaksehir í dag. Ólafur Ingi byrjaði á bekknum, en kom inn á þegar fjórar mínútur voru eftir. Kardemir er með fjögur stig eftir tvo leiki.
Kardemir Karabukspor 3 - 1 Basaksehir
0-1 S. Napoleoni ('21)
1-1 G. Torje ('29)
2-1 Sjálfsmark ('45)
3-1 G. Grozav ('67)
Athugasemdir