banner
   fös 19. september 2014 21:52
Brynjar Ingi Erluson
Arsenal mun leggja fram tilboð í Rabiot
Adrien Rabiot
Adrien Rabiot
Mynd: Getty Images
Enska úrvalsdeildarfélagið Arsenal mun leggja fram tilboð í franska miðjumanninn Adrien Rabiot sem er á mála hjá Paris Saint-Germain í Frakklandi en Mirror greinir frá þessu í kvöld.

Rabiot, sem er 19 ára gamall, er talinn einn efnilegasti miðjumaður heims um þessar mundir en hann var nálægt því að ganga til liðs við AS Roma á Ítalíu í sumarglugganum.

Hann komst þó ekki að samkomulagi við Roma en Arsene Wenger, stjóri Arsenal, mun nú leggja fram tilboð í franska leikmanninn.

Hann ætlar að fá hann í janúarglugganum en Rabiot spilaði 25 leiki með PSG í frönsku deildinni á síðustu leiktíð þrátt fyrir ungan aldur.

Athugasemdir
banner