Alan Lowing hefur verið einn besti miðvörður Pepsi-deildarinnar í sumar.
„Það er bara engin heimild til að fella niður rauð spjöld," segir Klara Bjartmarz hjá KSÍ um tilraunir Víkinga til að fá rautt spjald varnarmannsins Alan Lowing fellt niður.
Lowing fékk rautt fyrir að brjóta á Heiðari Ægissyni, leikmanni Stjörnunnar, í viðureign liðanna í gær. Heiðar var hinsvegar rangstæður í aðdragandanum en ekkert var dæmt.
Lowing fékk rautt fyrir að brjóta á Heiðari Ægissyni, leikmanni Stjörnunnar, í viðureign liðanna í gær. Heiðar var hinsvegar rangstæður í aðdragandanum en ekkert var dæmt.
Lowing þarf að taka út tveggja leikja bann sem er mikið áfall fyrir Víkinga í baráttu þeirra um Evrópusæti.
„Slíkt hefur aldrei verið gert og það er engin heimild fyrir því að fá spjöld felld niður. Það er skýrt í reglum að við megum ekki gera neitt í þessu. Knattspyrnulögin segja að ákvarðanir dómara á vellinum séu endanlegar," segir Klara.
„Í reglugerð KSÍ um aga- og úrskurðarmál stendur að leikmaður skuli fara í leikbann. Það er engin heimild í reglugerðum aganefndar að fella það niður."
Lowing verður í banni þegar Víkingur mætir Breiðabliki á sunnudag og fær KR í heimsókn í næstsíðustu umferð.
Sjá einnig:
Víkingar óska eftir því að rauða spjaldið verði fellt niður
Athugasemdir
