Í einu af úthverfum Lundúnarborgar má finna litla hárgreiðslustofu sem heitir A Star Barbers en hún er staðsett við hliðina á kebab stað. Á þessari stofu vinnur sjálflærður hárgreiðslumaður, Ahmed Alsanawi, sem er einn sá vinsælasti hjá stjörnum ensku úrvalsdeildarinnar.
Alsanawi er stuðningsmaður Chelsea og þegar hann byrjaði að klippa unglingaliðsleikmenn félagsins fór hróður hans að berast. Stjörnur Chelsea fóru að leita til hans og í dag klippir hann fjölmarga þekkta fótboltamenn.
Hann er til að mynda maðurinn á bak við hárgreiðslur Paul Pogba, leikmanns Manchester United, en þær vekja alltaf athygli.
John Terry, Eden Hazard, David Luiz og Benjamin Mendy eru meðal manna sem eru reglulegir gestir í stólnum hjá Alsanawi.
Hér að neðan má sjá myndir af Alsanawi að störfum!
Athugasemdir