Sonný Lára er bjartsýn fyrir leikina gegn Þýskalandi og Tékklandi
„Við höfum það gott. Fínir æfingavellir, fínt hótel og mjög gott veður,“ sagði markvörðurinn Sonný Lára Þráinsdóttir í samtali við Fótbolta.net í Wiesbaden í gærdag.
„Það er mjög gaman að koma inn aftur. Ég var náttúrulega ekki með í síðasta verkefni þannig að það er ánægjulegt,“ sagði Sonný sem var ekki í síðasta landsliðshóp gegn Færeyjum.
„Það er mjög gaman að koma inn aftur. Ég var náttúrulega ekki með í síðasta verkefni þannig að það er ánægjulegt,“ sagði Sonný sem var ekki í síðasta landsliðshóp gegn Færeyjum.
Aðspurð um hvort þjálfararnir væru að leggja inn mikið af nýjum punktum eða vinna áfram með eldri atriði svaraði Sonný:
„Það er eitthvað nýtt. Það er auðvitað misjafnt eftir því hvaða lið maður er að spila við en maður er alltaf að læra eitthvað nýtt.“
Hún er bjartsýn fyrir komandi verkefnum og telur möguleika Íslands góða.
„Ef við spilum okkar leik og mætum með íslensku hörkuna getur allt gerst. Við höfum engu að tapa og förum all in í þetta verkefni og reynum að berja þær niður.“
Nánar er rætt við Sonný Láru í spilaranum hér að ofan en þar kemur hún meðal annars inn á hvernig hún hefur haldið sér í standi frá því að tímabilinu lauk heima.
Athugasemdir
