Það verður sannkallaður stórleikur í enska boltanum um helgina á sama tíma og jólavertíðin er að bresta á.

Helgin hefst með leik Englandsmeistara Manchester City og Crystal Palace í hádeginu á morgun. City hefur verið á góðu skriði og ætti að eiga þægilegan leik fyrir höndum.

Manchester United hefur verið heitasta liðið í deildinni síðustu vikur og heimsækja þeir Aston Villa á morgun. Louis Van Gaal og hans menn geta þar unnið sinn sjöunda deildarleik í röð.

Swansea heimsækir Hull á sama tíma, auk þess sem Southampton tekur á móti Everton í áhugaverðum leik. Tottenham á einnig heimaleik gegn Burnley.

Á sunnudag fara svo fram tveir leikir þar sem búast má við miklu fjöri. Newcastle tekur á móti Sunderland í alvöru nágrannaslag, áður en Liverpool mætir Arsenal í risaleik á Anfield.