þri 19. desember 2017 11:38
Elvar Geir Magnússon
Telur að Mane sé öfundsjúkur út í Salah
Er Mane pirraður yfir því að Salah sé í sviðsljósinu.
Er Mane pirraður yfir því að Salah sé í sviðsljósinu.
Mynd: Getty Images
Sparkspekingurinn Ian Wright segist lesa það í hegðun Sadio Mane að hann sé öfundsjúkur út í liðsfélaga sinn hjá Liverpool, Mohamed Salah.

Hann er ekki einn á þessari skoðun en rætt var um málið í Innkastinu sem kom á Fótbolta.net í gær.

Wright segir að Mane virðist vera pirraður á meðan Salah baðar sig í athyglinni og fangar flesta fyrirsagnirnar. Þá eru þeir í beinni samkeppni um sæti í liðinu.

Mane var heitasti leikmaður Liverpool á síðasta tímabili.

„Munið þið þegar Mane fór á Afríkumótið og allir töluðu um að það væri ekki hægt að fylla hans skarð? Nú eru þeir komnir með Salah og Mane er á bekknum," sagði Wright í umræðuþætti hjá BBC.

Jurgen Klopp, stjóri Liverpool, hefur verið að gera margar breytingar á liði sínu milli leikja. Í sigrinum gegn Bournemouth var það hlutskipti Mane að fylgjast með frá bekknum á meðan Salah var meðal markaskorara í 4-0 sigri.
Athugasemdir
banner
banner
banner