Sóknarleikmaðurinn efnilegi Albert Guðmundsson skoraði bæði mörk varaliðs PSV Eindhoven þegar liðið vann 2-0 sigur gegn NAC Breda í hollensku B-deildinni í kvöld.
Albert lék allan leikinn en PSV er í fimmta sæti deildarinnar.
Þessi 19 ára leikmaður lék sinn fyrsta A-landsleik í janúar þegar Ísland mætti Kína í vináttulandsleik. Hann hefur skorað sex deildarmörk fyrir varalið PSV á tímabilinu.
Í Hollandi er varaliðum frjálst að taka þátt í deildakeppni en geta þó ekki leikið í sömu deild og aðalliðið. Varaliðið getur því ekki komist upp í efstu deild.
Athugasemdir