Atvikið átti sér stað í gær í grannaslag Partizan gegn Rad í Belgrad en dómarinn stöðvaði leikinn á meðan umræddur borði var fjarlægður. Þá reyndu öryggisverðir að fá áhorfendur til að hætta þessum kynþáttaníð.

Luiz sýndi stuðningsmönnum Rad puttann og allt var á suðupunkti á leikvanginum.

„Ég varð fyrir kynþáttafordómum allar 90 mínúturnar. Leikmenn heimaliðsins tóku bara undir. Það voru allir að ráðast að mér. Ég vil gleyma þessu sem fyrst. Ég elska Serbíu og fólkið hérna, þess vegna grét ég. Rasismi á ekki að viðgangast," segir Luiz.

Ýmis mál tengd kynþáttaníð hafa herjað á serbneska fótboltann á síðustu árum. Svartir leikmenn enska U21-landsliðsins, Raheem Sterling og Danny Rose, urðu fyrir kynþáttaníð í leik 2012 sem eitt af mörgum dæmum.