Dr. Phil og Kristinn Freyr.
Kristinn Freyr Sigurðsson, leikmaður GIF Sundsvall, fékk sér mjög áhugaverða hárgreiðslu um helgina. Kristinn smellti þá í greiðslu eins og sjónvarpsmaðurinn og sálfræðingurinn Dr. Phil!
Um var að ræða nýliðavígslu hjá GIF Sundsvall en Kristinn fór aðra leið en leikmenn gera vanalega í vígslunni.
Um var að ræða nýliðavígslu hjá GIF Sundsvall en Kristinn fór aðra leið en leikmenn gera vanalega í vígslunni.
„Nýir leikmenn eiga að syngja og ég fékk ekki sönghæfileika í vöggugjöf," sagði Kristinn við Fótbolta.net í dag.
„Ég var búinn að ákveða að krúnuraka mig í æfingaferðinni og þar sá ég leik á borði og deal-aði við fyrirliðann um að ef ég myndi henda í Dr. Phil í einn dag þá fengi ég að sleppa því að syngja. Virkilega klókt hjá mér."
Kristinn fór á kostum með Val í Pepsi-deildinni í fyrra og hjálpaði liðinu einnig að verða bikarmeistari. Eftir tímabilið samdi hann síðan við GIF Sundsvall.
GIF Sundsvall er í æfingaferð á Spáni en liðið mætir Eskilstuna í fyrsta leik í sænsku úrvalsdeildinni þann 2. apríl.
Athugasemdir
