Juan Mata.
Juan Mata, leikmaður Manchester United, segist hafa fengið fjölda símtala frá áhyggjufullum vinum og fjölskyldumeðlimum þegar Jose Mourinho var ráðinn stjóri United.
Mata lék undir stjórn Mourinho hjá Chelsea en fjölmiðlar fjölluðu talsvert um að samband þeirra væri stirt. Mourinho seldi Mata til United í janúar 2014.
Mata lék undir stjórn Mourinho hjá Chelsea en fjölmiðlar fjölluðu talsvert um að samband þeirra væri stirt. Mourinho seldi Mata til United í janúar 2014.
Margir héldu að Mata ætti ekki framtíð á Old Trafford þegar Mourinho var ráðinn þangað en þær spár rættust ekki og Spánverjinn hefur verið í stóru hlutverki
„Það er satt að ég fékk símtöl frá áhyggjufullum vinum og fjölskyldumeðlimum en ég vissi að það voru engin persónuleg vandamál varðandi Mourinho hhá Chelsea. Kjaftasögur og lygar dreifðust út um eitthvað sem átti sér ekki stað," segir Mata.
Sjálfur hefur Mourinho sagt að Mata sé mjög mikilvægur leikmaður í sínum leikmannahópi.
„Mikilvægur leikmaður fyrir mig, mikilvægur fyrir félagið og mikilvægur fyrir aðra leikmenn," sagði Mourinho á fréttamannafundi á dögunum.
Athugasemdir
