þri 20. mars 2018 09:00
Magnús Már Einarsson
Salah eftirsóttur - Ramsey og Bellerin til Man Utd?
Powerade
Aaron Ramsey er orðaður við Manchester United.
Aaron Ramsey er orðaður við Manchester United.
Mynd: Getty Images
Fullt af félögum vilja fá Salah.
Fullt af félögum vilja fá Salah.
Mynd: Getty Images
Ensku slúðurblöðin eru að skoða hvað er framundan á félagaskiptamarkaðinum. Hér er fullt af skemmtilegum kjaftasögum.



Barcelona, PSG og Real Madrid hafa öll áhuga á að kaupa Mohamed Salah (25) frá Liverpool á 200 milljónir punda. Salah hefur skorað 28 mörk í ensku úrvalsdeildinni á tímabilinu en Liverpool keypti hann frá Roma á 36,9 milljónir punda síðastliðið sumar. (Sun)

Liverpool ætlar að hafna öllum tilboðum í Salah en félagið stefnir á enska meistaratitilinn á næsta tímabili. (Times)

Luke Shaw (22) vinstri bakvörður Manchester United er ósáttur við meðhöndlunina sem hann fær hjá Jose Mourinho. Shaw gæti lagt fram kvörtun til Ed Woodward framkvæmdastjóra United. (Mirror)

Shaw ætlar ekki að láta neyða sig frá Manchester United í sumar. Bakvörðurinn ætlar að klára síðasta árið á samningi sínum en hann gæti síðan farið frítt sumarið 2019. (Guardian)

Chelsea er í bílstjórasætinu í baráttunni um Shaw ef hann ákveður að fara annað. Shaw var stuðningsmaður Chelsea á yngri árum. (Mail)

Háttsettir menn á Old Trafford hafa áhyggjur af meðhöndlun Mourinho á Shaw og telja að verið sé að lækka verðmiðann á leikmanninum. (Telegraph)

Jose Mourinho er að íhuga að fá Aaron Ramsey (27) frá Arsenal í sumar. (Star)

Manchester United hefur einnig spurst fyrir um Hector Bellerin (23) bakvörð Arsenal en líklegra er þó að hann fari til Juventus. (Mirror)

Tottenham ætlar að bjóða 40 milljónir punda í kantmanninn Wilfried Zaha (25) hjá Crystal Palace. Líklegt er að því tilboði verði hafnað en Palace vill hærri upphæð. (Mail)

Bernd Leno (26) markvörður Bayer Leverkusen er á óskalista Arsenal sem eftirmaður Petr Cech. (Sun)

Steve McClaren, fyrrum landsliðsþjálfari Englendinga, segir að Eddie Howe stjóri Bournemouth gæti tekið við Arsenal. (Star)

Rafael Benítez, stjóri Newcastle, ætlar að skoða framtíð sína í sumar en hann á eitt ár eftir af samningi sínum. (Telegraph)

Ekkert varð af kaupum Chelsea á Edin Dzeko (32) í janúar eftir að Roma hætti við að selja leikmanninn. (Metro)

Roberto Firmino segir að Liverpool hafi neyðst til að breyta leikstíl sínum í janúar þegar Philippe Coutinho fór til Barcelona. (Goal)

Rory Smith, blaðamaður í New york, telur að Bayern Munchen hafi áhuga á að fá Firmino ef Robert Lewandowski (29) fer annað í sumar. (BBC Radio 5 Live)

Ný rannsókn sýnir að Harry Kane sé meira virði en Lionel Messi í dag. (Express)

Andreas Christensen, varnarmaður Chelsea, leitaði til John Terry til að fá ráð eftir slaka frammistöðu að undanförnu. Terry er hjá Aston Villa í dag en hann lék áður með Christensen hjá Chelsea. (Eurosport)
Athugasemdir
banner
banner
banner
banner