Það er mikið um áhugavert slúður í dag. Pakki dagsins er tekinn saman af BBC og er í boði Powerade.
Miðjumaðurinn Gareth Barry er spenntur fyrir því að vera áfram hjá Everton eftir að hafa staðið sig vel sem lánsmaður frá Manchester City í vetur. (Mail on Sunday)
Arsenal mun óvænt gera 13 milljón punda tilboð í Chris Smalling, varnarmann Manchester United. (Daily Star)
Tottenham hefur áhuga á að fá framherjann Danny Welbeck frá Manchester United þar sem Daniel Levy vill fá sóknarmann í hæsta gæðaflokki til liðsins. (Sunday Mirror)
Það verður þó líklega fleiri lið sem munu berjast um Welbeck, en Englendingurinn hefur gefið það í skyn að hann sé reiðubúinn til að yfirgefa Old Trafford til að fá meiri spiltíma. (The Sun)
Real Madrid er að undirbúa nýtt mettilboð í Luis Suarez upp á 90 milljónir punda. (Caughtoffside.com)
Manchester United gæti reynt á nýjan leik að kaupa Cesc Fabregas, leikmann Barcelona, eftir að spænska félagið sagði leikmanninum að það myndi hlusta á tilboð í hann. (Metro)
Vængmaður Barcelona, Pedro, er nálægt því að yfirgefa félagið eftir að hafa misst byrjunarliðssæti sitt. Manchester City og Manchester United hafa áhuga. (Daily Star Sunday)
Manchester City hefur einnig áhuga á Iker Muniain, vængmanni Athletic Bilbao. Hann gæti kostað 15 milljónir punda þar sem eitt ár er eftir af samningi hans. (The Sun)
Athugasemdir