Sérfræðingar Fótbolta.net spá því að Víkingur Reykjavík hafni í sjötta sæti í Pepsi-deildinni í sumar. Fréttaritarar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Víkingur endar í 6. sæti.

Spáin:
1. ?
2. ?
3. ?
4. ?
5. ?
6. Víkingur R. 61 stig
7. Fylkir 44 stig
8. ÍBV 42 stig
9. Fjölnir 27 stig
10.ÍA 26 stig
11 Víkingur Ólafsvík 24 stig
12. Þróttur 14 stig

Um liðið: Tímabilið í fyrra var Víkingum mikið vonbrigði eftir að liðið náði Evrópusæti árið á undan. Liðið náði ekki að komast nálægt því að fylla í skarðið sem Aron Elís Þrándarson skildi eftir sig og þjálfarabreytingar voru gerðar á miðju tímabili. Liðið hafnaði í níunda sæti Pepsi-deildarinnar en ljóst er að í Fossvoginum eru menn ákveðnir í að láta það bakslag ekki hafa áhrif á sig.

Þjálfari - Milos Milojevic: Hefur starfað fyrir Víkinga síðan 2008, fyrst sem þjálfari yngri flokka og svo varð hann aðstoðarþjálfari Ólafs Þórðarsonar í lok árs 2012. Þeir voru svo gerðir tveir jafnir sem aðalþjálfarar áður en ákveðið var að breyta til í fyrra og Milos heldur nú einn um stjórnartaumana. Þessi ákaflega metnaðarfulli þjálfari er mikill fótboltapælari og hugsar mikið um leikfræðina og öll smáatriði. Hann er ákveðinn í að ná langt í starfi og hefur háleit markmið í Víkinni.

Styrkleikar: Það er mikil bjartsýni í Fossvoginum fyrir komandi tímabili og innistæðan fyrir því er til staðar. Liðið hefur leikið vel á undirbúningstímabilinu og er vel skipulagt. Koma Gary Martin hefur virkað sem vítamínsprauta á liðið í raun félagið í heild sinni. Með hann, Viktor Jónsson og Vladimir Tufegdzic sem öflug vopn í sóknarleiknum verður gaman að sjá Víkingana í sumar.

Veikleikar: Ef Víkingar ætla sér stóra hluti verður varnarleikurinn að vera betri en í fyrra. Það hafa verið hræringar í miðvarðastöðunni og félagið hefur reynt að bæta við sig miðverði án árangurs. Ef liðið byrjar mótið ekki nægilega vel gæti fjarað fljótt undan hjá því.

Lykilmenn: Viktor Bjarki Arnarson og Gary Martin. Miðjumaðurinn reynslumikli Viktor Bjarki er tekinn við fyrirliðabandinu og hefur litið vel út á undirbúningstímabilinu. Fróðir menn í Fossvoginum hafa trú á því að hann blómstri í sumar. Gary Martin er staðráðinn í að sýna sig og skoraði tvívegis gegn Val í undanúrslitum Lengjubikarsins á dögunum.

Gaman að fylgjast með: Unglingalandsliðsmaðurinn Óttar Magnús Karlsson er kominn heim í sitt uppeldisfélag eftir að hafa verið í herbúðum hollenska stórliðsins Ajax. Óttar leikur sem framherji og er á nítjánda aldursári. Verður hann ein af nýju stjörnunum í sumar?

Spurningamerkið: Markvörðurinn Róbert Örn Óskarsson er mættur í nýja áskorun. Róló fékk talsverða gagnrýni í fjölmiðlum í fyrra og töldu 42% lesenda Fótbolta.net að hann væri veikur hlekkur hjá Íslandsmeisturum FH. Hann er líklega ákveðinn í að sýna að FH hafi gert mistök með því að taka inn Gunnar Nielsen. Hjá Víkingi fær hann að öllum líkindum mun meira að gera en í Krikanum.

Völlurinn: Víkingsvöllurinn er völlur sem mörg félög í uppbyggingu á sínu vallarsvæði ættu að líta til. Stúkan í virkilega góðri stærð fyrir íslenskar aðstæður og allt vel skipulagt. Svæðið er á mjög skjólsælum stað og alltaf fjör að kíkja á völlinn í góðu veðri.

---

Stuðningsmaðurinn segir - Halldór I. Sævarsson
„Við eigum eftir að vera í topp 5 í sumar, það er ekki spurning. Milos er búinn að styrkja hópinn gífurlega, þá sérstaklega með því að fá Robba og Gary Martin. Svo við náðum að halda flest öllum okkar bestu leikmönnum. Svo er Viktor Jóns kominn aftur eftir frábært tímabil með Þrótti í fyrra. Sterkasta sóknarlína Pepsi-deildarinnar er staðsett í Fossvoginum og markakóngstitillinn endar þar, það er klárt. Það verður keppni milli Gary Martin og Viktors þannig að ef fólk vill sjá markaveislu í sumar þá er um að gera að skella sér í Víkina."

Sjá einnig:
Líklegt byrjunarlið Víkings
Milos: Lofa því að við verðum í topp þremur í haust
Gary Martin: Stefni á að skora í öðrum hverjum leik

Komnir:
Alex Freyr Hilmarsson frá Grindavík
Gary Martin frá KR
Iain Williamson frá Val
Óttar Magnús Karlsson frá Ajax
Róbert Örn Óskarsson frá FH

Farnir:
Agnar Darri Sverrisson í Þór
Atli Fannar Jónsson í Fram
Finnur Ólafsson í Þrótt
Hallgrímur Mar Steingrímsson í KA
Rolf Toft í Val
Thomas Nielsen til Silkeborg
Haukur Baldvinsson í Keflavík

Leikmenn Víkings R. sumarið 2016:
1 Róbert Örn Óskarsson
3 Ívar Örn Jónsson
4 Igor Taskovic
5 Tómas Guðmundsson
6 Halldór Smári Sigurðsson
7 Alex Freyr Hilmarsson
8 Viktor Bjarki Arnarsson
9 Viktor Jónsson
10 Gary John Martin
11 Dofr iSnorason
12.Kristófer Karl Jensson
13.Iain James Williamson
14. Bjarni Páll Runólfsson
15 Andri Rúnar Bjarnason
16.Stefán Bjarni Hjaltested
19 Erlingur Agnarsson
20.Stefán Þór Pálsson
21.Arnþór Ingi Kristinsson
22 Alan Alexander Lowing
23.Óttar Magnús Karlsson
24.Davið Örn Atlason
25 Vladimir Tufegdzic
26 Jovan Kujundzic
28 Steinar Ísaksson
29 Valdimar Ingi Jónsson
30.Emil Auðunsson
31 Georg Bjarnason
32 Jökull Þorri Sverrisson

Leikir Víkings R. 2016:
1. maí KR - Víkingur R.
8. maí Víkingur R. - Stjarnan
13. maí Breiðablik - Víkingur R.
17. maí Víkingur R. - Valur
22. maí ÍBV - Víkingur R.
29. maí Víkingur R. - ÍA
5. júní Fjölnir - Víkingur R.
24. júní Víkingur R. - Víkingur Ó.
28. júní Fylkir - Víkingur R.
9. júlí FH - Víkingur R.
18. júlí Víkingur R. - Þróttur
24. júlí Víkingur R. - KR
4. ágúst Stjarnan - Víkingur R.
8. ágúst Víkingur R. - Breiðablik
15. ágúst Valur - Víkingur R.
21. ágúst Víkingur R. - ÍBV
28. ágúst ÍA - Víkingur R.
11. sept Víkingur R. - Fjölnir
15. sept Víkingur Ó. - Víkingur R.
18. sept Víkingur R. - Fylkir
25. sept Víkingur R. - FH
1. okt Þróttur - Víkingur R.

Spámennirnir: Arnar Daði Arnarsson, Alexander Freyr Einarsson, Elvar Geir Magnússon, Gunnar Birgisson, Hafliði Breiðfjörð, Arnar Geir Halldórsson, Jóhann Ingi Hafþórsson, Magnús Már Einarsson og Magnús Þór Jónsson.

Tweet

Senda a Facebook Hafdu samband Senda frétt Prenta frétt Frétta leit