fim 20. apríl 2017 17:35
Bjarni Þórarinn Hallfreðsson
Lengjubikarinn B-deild: Varamennirnir skutu Njarðvík í úrslit
Njarðvík er komið í úrslit þar sem þeir mæta nágrönnum sínum, Víði
Njarðvík er komið í úrslit þar sem þeir mæta nágrönnum sínum, Víði
Mynd: Fótbolti.net - Eyjólfur Garðarsson
Völsungur - Njarðvík
0-1 Sigurður Þór Hallgrímsson ('57)
1-1 Sæþór Olgeirsson ('70)
1-2 Fjalar Örn Sigurðsson ('88)

Völsungur og Njarðvík mættust í síðari undanúrslitaleik B-deildar Lengjubikars karla í dag.

Eftir markalausan fyrri hálfleik var það varamaðurinn Sigurður Þór Hallgrímsson sem kom Njarðvíkingum yfir á 57. mínútu.

Þrettán mínútum síðar jafnaði Sæþór Olgeirsson fyrir Húsvíkinga og allt virtist stefna í vítaspyrnukeppni.

En á 88. mínútu skoraði annar varamaður Njarðvíkinga, Fjalar Örn Sigurðsson og skaut Njarðvík í úrslitaleikinn.

Það verður nágrannaslagur í úrslitaleiknum því í fyrri undanúrslitaleiknum bar Víðir í Garði sigurorð af Vængjum Júpíters, 5-0.
Athugasemdir
banner
banner
banner