Varnarmaðurinn Michael Keane mun fara frá Burnley í sumar, en þetta segja heimildarmenn Sky Sports.
Tilboð bárust í Keane, sem lék á dögunum sinn fyrsta landsleik fyrir England, frá Leicester síðasta sumar, en þeim var öllum hafnað.
Tilboð bárust í Keane, sem lék á dögunum sinn fyrsta landsleik fyrir England, frá Leicester síðasta sumar, en þeim var öllum hafnað.
Hinn 24 ára gamli Keane hefur verið orðaður við endurkomu til Manchester United, en samkvæmt Sky Sports hafa engar viðræður enn átt sér stað þar á bæ.
Everton, Tottenham og Liverpool eru einnig sögð áhugasöm um Keane. Hann á eitt ár eftir af núgildandi samningi sínum og því má búast við því að Burnley nýti tækifærið og selji hann í sumar.
Keane lék sinn fyrsta landsleik fyrir England í síðasta mánuði í vináttulandsleik gegn Þýskalandi. Hann hefur spilað alla 33 leiki Burnley í ensku úrvalsdeildinni á tímabilinu.
Athugasemdir