Heimildir Sky Sports herma að Courtois hafi æft með markvarðaþjálfara sínum í gær og vonir eru um að þessi 24 ára gamli markvörður muni æfa í dag með liðsfélögum sínum.

Þetta eru mjög góðar fréttir fyrir Antonio Conte og hans menn sem eru að undirbúa sig fyrir undanúrslitin Í FA-bikarnum gegn Tottenham, sem er í öðru sæti ensku úrvalsdeildarinnar.

Samkvæmt ensku pressunni meiddist Courtois á furðulegan hátt, við tökur á körfuboltaauglýsingu. Chelsea hefur ekki viljað staðfesta það.