Millwall 0 - 3 Fulham
1-0 Ryan Sessegnon (46')
2-0 Kevin McDonald (56')
3-0 Aleksandar Mitrovic (89')



Millwall og Fulham mættust í eina leik kvöldsins í Championship deildinni á Englandi.

Fyrri hálfleikur var fjörugur en Millwall sóttu meira. Bæði lið áttu skot í þverslánna en þrátt fyrir það var markalaust í hálfleik.

Hinn 17 ára Ryan Sessegnon skoraði sitt 15. mark á tímabilinu í upphafi síðari hálfleiks og kom Fulham yfir.

Kevin McDonald tvöfaldaði forskot Fulham tíu mínútum síðar með frábæru marki. McDonald fór framhjá varnarmanni Millwall og þrumaði boltanum í netið fyrir utan teig.

Sóknarmaðurinn Aleksandar Mitrovic gulltryggði sigur Fulham á 89. mínútu með sínu 13. marki á tímabilinu.

Fulham fara með sigrinum upp fyrir Cardif í annað sæti deildarinnar en Cardiff eiga tvo leiki til góða.

Millwall eru í 6. sætinu í baráttu um umspilssæti með einu stigi meira en Derby sem eiga tvo leiki til góða.