fös 20. apríl 2018 14:43
Guðmundur Aðalsteinn Ásgeirsson
Fyrsta æfing Neuer með Bayern í sjö mánuði
Manuel Neuer.
Manuel Neuer.
Mynd: Getty Images
Markvörðurinn öflugi Manuel Neuer tók þátt á sinni fyrstu liðsæfingu með Bayern München í sjö mánuði í dag.

Hinn 32 ára gamli Neuer hefur þrisvar fótbrotnað síðan í mars 2017 en það gerðist síðast hjá honum í september síðastliðnum. Hann hefur aðeins spilað þrjá leiki á þessu tímabili.

Menn binda vonir við það að Neuer geti náð HM sem verður í sumar en þar hefur Þýskaland titil að verja.

„Stóru markmiðin hjá Manuel er að ná að spila eitthvað áður en tímabilinu lýkur og fara á HM með Þýskalandi," sagði Jupp Heynckes, stjóri Bayern, á fréttamannafundi í dag.

Neuer er fyrirliði Bayern og þýska landsliðsins.



Athugasemdir
banner
banner
banner