Leikur Fenerbache og Besiktas í undanúrslitum tyrkneska bikarsins í gær var stoppaður eftir að Senol Gunes, þjálfari Besiktas, fékk hlut sem kastað var úr stúkunni í höfuðið.
Gunes var fluttur á spítala eftir að hafa fengið aðskotahlut í höfuðið á 58. mínútu leiksins.
Gunes var fluttur á spítala eftir að hafa fengið aðskotahlut í höfuðið á 58. mínútu leiksins.
Leikurinn var í kjölfarið flautaður af og var staðan þá markalaus. Þetta var seinni leikur liðanna í undanúrslitum bikarsins en fyrri leikurinn, á heimavelli Besiktas, endaði 2-2.
Mikill rígur er á milli Fenerbache og Besiktas en lætin á fótboltaleikjum í Tyrklandi eru oft á tíðum ógurleg.
Ekki hafa enn fengist fregnir af því hvernig verður tekist á við þetta mál, hvort leikurinn verði spilaður aftur eða hvort öðru hvoru liðinu verður dæmdur sigurinn.
Hér að neðan er mynd af Gunes eftir að saumuð voru fimm spor í höfuð hans í gærkvöldi.
The match between Fenerbahce and Besiktas has been abandoned after an object was thrown toward the Besiktas dugout. Besiktas coach Senol Gunes was struck and needed 5 stitches. 😨 pic.twitter.com/xJTEl3mWC6
— Football Away Days (@FBAwayDays) April 19, 2018
Athugasemdir