„Ég er sáttur heilt yfir. Við byrjum rólega en seinni hálfleikurinn nokkuð góður - Þrýstum á þá, sköpuðum og fengum þetta víti sem gaf okkur þessi þrjú stig. Við hefðum getað klárað leikinn eftir það en ég er sáttur við öll þrjú stigin í dag og að halda hreinu" sagði Ágúst Þór Gylfason þjálfari Fjölnis í samtali við Fótbolta.net eftir sigur á Keflvíkingum.
Lestu um leikinn: Fjölnir 1 - 0 Keflavík
„Við vorum búnir að ákveða það fyrir leikinn að breyta í hálfleik. Færðum Gunnar Þór framar í hálfleik. Hann tók verulega mikið til sín og við sköpuðum fullt af færum í kring um hann. Færum hann svo dýpra á völlinn eftir því sem líður á seinni hálfleikinn og það er kærkomið að fá hann aftur."
„Eftir síðasta leik var maður með efa, vorum með fjögur stig, áttum að vera með sex stig en við kvittuðum fyrir í dag, erum með sjö stig og á ágætis róli."
Bergsveinn var sammála Valgeiri Valgeirssyni dómara um vítaspyrnudóminn:
„Ég sá þetta hérna. Þetta fór beint í hendina á honum og ekkert annað hægt að gera en að dæma víti á þetta."
Viðtalið í heild sinni er hægt að sjá í sjónvarpinu hér að ofan.
Athugasemdir