ÍBV og Leiknir R. gerður 2-2 í viðburðaríkum leik í Eyjum í dag. ÍBV er því loks komið á blað í deildinni og Leiknir náði í gott stig á útivelli.
Lestu um leikinn: ÍBV 2 - 2 Leiknir R.
„Ég var feykilega ánægður með frammistöðuna í dag og gríðarlega stoltur af því hvernig við komum til baka eftir að hafa fengið ódýrt mark á okkur á fyrstu sekúndum leiksins," sagði Jóhannes Harðarson, þjálfari ÍBV eftir leikinn.
ÍBV spilaði klárlega sinn besta leik það sem af er sumrinu og var Jói ánægður með sína menn. „Við spiluðum oft á tíðum frábæran fótbolta og sköpuðum slatta af færum og ég er mjög ánægðu með frammistöðuna," sagði Jói.
Fyrsta mark Eyjamanna á tímabilinu kom í dag þegar Víðir Þorvarðarson kom boltanum í netið á 20. mínútu. „Það var gríðarlegur léttir að sjá þann bolta fara inn og eins með seinna markið, það eina sem vantaði var þriðja markið," sagði Jói.
Athugasemdir