Gunnar Borgþórsson var gríðarlega svekktur að fá ekkert út úr leiknum gegn Leikni R. í kvöld. Leiknum lauk með 0-1 sigri Leiknis.
„Mér fannst við byrja frekar vel, við vorum rólegir og yfirvegaðir. Héldum boltanum vel fyrsta korterið, fengum á okkur 2 frekar þungar sóknir, það kom pínu panikk. Mér fannst við spila ágætlega og Leiknisliðið ekki að skapa sér mikið, það sem þeir sköpuðu sér það gáfum við þeim."
„Mér fannst við sýna það okkur langar að vinna, að hugafar og gæði fari saman. Við sköpuðum okkur mikið af góðum færum."
Gunnar Borgþórsson var ekki sáttur við dómgæsluna í kvöld.
„Mér fannst þeir ekki dæma vel, ég sagði þeim það eftir leikinn. Ég þakkaði þeim fyrir leikinn og sagði þeim það. Þeir áttu slæmann dag, það gerist fyrir okkur alla."
Viðtalið má sjá í heild sinni hér að ofan
