Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 20. maí 2018 21:03
Ingólfur Páll Ingólfsson
Spánn: Barcelona vann í kveðjuleik Iniesta
Mynd: Getty Images
Barcelona 1-0 Real Sociedad
1-0 Philippe Coutinho ('57)

Barcelona sigraði Real Sociedad í síðasta leik dagsins í spænsku úrvalsdeildinni. Fyrri hálfleikurinn var nokkuð tíðindalítill þar sem hvorugu liðinu tókst að skapa sér almennileg færi.

Eina mark leiksins skoraði Philippe Coutinho en markið var af dýrari gerðinni er hann skrúfaði boltanum í netið, óverjandi fyrir Moya í marki Real Sociedad.

Á 82. mínútu var svo Andrés Iniesta skipt af leikvelli. Leikurinn var sá síðasti sem hann spilar í treyju Barcelona en hann er á förum eftir leiktíðina. Átti hann í vandræðum með að halda aftur af tárunum.

Fleira markvert gerðist ekki í leiknum og Barcelona endar tímabilið með 93 stig á toppi deildarinnar.
Athugasemdir
banner
banner
banner
banner