Halldór Jón Sigurðsson, þjálfari Þór/KA var ánægður með vinnusemina og baráttuna hjá sínu liði í 1-0 sigri gegn FH.
Lestu um leikinn: FH 0 - 1 Þór/KA
"FH liðið spilaði frábæran leik, þær voru virkilega góðar og ég var virkilega "Impressed" með hvernig þær spiluðu þennan leik. Þær eiga rosa mikið hrós skilið. En að sama skapi er ég mjög ánægður með að við héldum áfram allan leikinn og náðum seiglu margi alveg í lokin. Vissulega vinnusigur þar sem við gáfumst aldrei upp", sagði Donni, þjálfari Þór/KA, ánægður eftir 1-0 sigur gegn FH á Kaplakrikavelli.
Karen María, fædd árið 2001, kom inn á þegar um 3 mínútur voru eftir af venjulegum leiktíma og skoraði aðeins tveim mínútum seinna.
"Varamenn koma inn á og maður vonast til þess að þeir geti gert gæfumuninn og breytt leiknum eitthvað og hún svo sannarlega gerði það. Margrét átti líka frábæra sendingu út á Huldu Björg sem átti svo fyrirgjöfina, Margrét stóð sig frábærlega líka. Ég er mjög ánægður með leikmennina sem komu inn á og nokkuð ánægður með baráttuna og vinnusemina í dag."
"Við ætlum að vinna alla leiki og við höfum sagt það fyrir mót og eftir hvern einasta leik og fyrir hvern einasta leik jafnvel. "
Viðtalið við Donna má sjá í heild í spilaranum hér að ofan.
Athugasemdir