Harpa Þorsteinsdóttir lagði upp eina mark Stjörnunnar í 1-0 sigri á Fylki í 9. umferð á Samsung-vellinum í kvöld.
Harpa lék í kvöld sinn fyrsta byrjunarliðsleik á tímabilinu og lék í heilar 74. mínútur. Hún var ánægð með sigurinn í kvöld.
Harpa lék í kvöld sinn fyrsta byrjunarliðsleik á tímabilinu og lék í heilar 74. mínútur. Hún var ánægð með sigurinn í kvöld.
Lestu um leikinn: Stjarnan 1 - 0 Fylkir
„Þetta var virkilega mikilvægur sigur við mjög erfiðar aðstæður. Við erum mjög ánægðar með að hafa tekið þrjú stig útúr þessum leik," sagði Harpa sem segir Stjörnuliðið hafa verið vel undirbúið fyrir leikinn í kvöld.
„Við höfum skoðað vídeo af þeim og þær komu nokkurn vegin eins og við höfðum búist við þeim. Þær voru þéttar og baráttuglaðar."
„Standið er gott miðað við að þetta er fyrsti leikur. Ég vil alltaf gera betur og ég á fullt inni eftir þennan leik. En ég er ánægð," sagði Harpa sem segist vera tilbúin fyrir EM í júlí.
„Ég tel mig vera tilbúna til að fara á EM, en það er ekki mitt að meta. Ég hef unnið að því að koma mér í form svo ég sé allavegana möguleiki fyrir landsliðsþjálfarann. Það verður að koma í ljós. Ég er á lokametrunum í kapphlaupinu við tímann. Við verðum að sjá hvað sé ætlast til," sagði Harpa að lokum.
Viðtalið í heild sinni má sjá í sjónvarpinu hér að ofan.
Athugasemdir