„Ég er sáttur með þrjú stig og að halda hreinu en ég hef oft séð mitt lið spila betur en í dag," sagði Ian Jeffs þjálfari ÍBV eftir 3-0 sigur á Haukum heima í Pepsi-deild kvenna í kvöld.
Lestu um leikinn: ÍBV 3 - 0 Haukar
„Það voru margar feilsendingar og leit út fyrir að liðið væri þreytt. En ég er ánægður með 3-0 sigur því við vorum pínu heppin. Haukar voru fínir, ég er búinn að horfa á marga leiki með þeim í sumar og þetta er mjög gott lið. Mjög vel spilandi lið. Ég sagði við liðið mitt á liðsfundi í dag að þetta yrði erfiður leikur gegn góðu liði og það þyrfti að vera í toppstandi til að ná einhverju út úr þessum leik."
Athygli vakti að framherinn Kristín Erna Sigurlásdóttir var á bekknum þegar leikur hófst í dag.
„Ég var aðeins að rótera liðinu í dag. Við erum að spila aftur á föstudaginn og hún kemur sterk inn þar."
Nánar er rætt við hann í sjónvarpinu að ofan en hann hafði aðeins fjóra leikmenn á bekknum.
„Það er mikið af meiðslum á leikmönnum sem eru vanalega í hóp. Það eru fáir í meistaraflokkshóp og á bekknum. Ég get bara skipt þremur inná og það eru fjórir á bekknum.
Athugasemdir
