„Það hafa verið ódýrt mörk hjá okkur í sumar og við vorum klaufalegar í fyrsta markinu og örugglega í öðru markinu líka. Svo fórum við að halda bolta og ætluðum að minnka muninn og opnuðum okkur mikið í þriðja markinu," sagði Kjartan Stefánsson þjálfari kvennaliðs Hauka eftir 3-0 tap gegn ÍBV í Eyjum í kvöld.
Lestu um leikinn: ÍBV 3 - 0 Haukar
„Ég er samt mjög sáttur með spilamennskuna. Við reyndum fyrir þennan leik að þetta okkur meira en við höfum verið að gera og vorum búin að vera stundum kjánalega opnar í undanförnum leikjum."
„Við vorum að reyna að þétta varnarleikinn ásamt því að reyna að opna leikinn á annan hátt en við höfum verið að gera. Þegar boltinn flýtur þá gengur þetta ágætlega en þegar við erum ekki að láta hann ganga okkar á milli er þetta ógurlegt spark okkar á milli."
Haukar hafa fengið eitt stig úr fyrstu 9 leikjunum og leika næst í bikarnum gegn ÍBV á föstudaginn.
Nánar er rætt við Kjartan í sjónvarpinu hér að ofan.
Athugasemdir