„Þetta er allavegana skárra en í síðasta leik. Þetta var mjög fínt. Það geggjað nokkurn vegin allt upp sem við lögðum upp með að gera. Boltinn var spilaður á þau svæði sem við vildum að hann væri spilaður á. Ég er ánægður með þetta,” sagði Jón Aðalstein Kristjánsson þjálfari Fylkis eftir 1-0 tap gegn Stjörnunni í Garðabænum í kvöld.
Lestu um leikinn: Stjarnan 1 - 0 Fylkir
Hann var ánægður með stelpurnar eftir skellinn sem þær fengu gegn ÍBV í síðustu umferð.
„Það var ekki annað hægt en að stíga upp eftir þá vitleysu. Við vorum að spila nákvæmlega sama bolta í kvöld eins og í síðasta leik. Við gerðum það aðeins betur núna.”
„Við áttum ágætis upphlaup og hefðum kannski getað gert örlítið betur með boltann á réttum tímapunkti. Þegar liðið er svona neðarlega þá þarf kraftinn til að keyra liðið upp. Það vantaði aðeins upp á það, en við héldum Stjörnunni í skefjum,” sagði Jón sem hélt sér við fimm manna varnarlínu en hann gagnrýni fyrir það í Pepsi-mörkunum á Stöð 2 Sport eftir síðustu umferð.
„Við erum að vinna í þessu. Það er fínt að fá gagnrýni. Ég reyndar vissi ekki af því en það er frábært. Við höldum áfram að vinna með þetta. Það er klárt," Nonni að lokum.
Viðtalið í heild sinni má sjá í sjónvarpinu hér að ofan.
Athugasemdir