Flanagan mun hitta fyrrum liðsfélaga sinn, Steven Gerrard hjá Rangers
Samkvæmt heimildum Sky fréttastofunnar var fyrrum varnarmaður Liverpool, Jon Flanagan í læknisskoðun hjá skoska stórliðinu Rangers í dag.
Aðstoðarþjálfari Rangers, Gary McAllister sagði að bakvörðurinn væri í viðræðum við félagið og að samningar væru nálægt því að klárast.
Rangers er í æfingaferð á Suður-Spáni þessa stundina og einhver dagblöð hafa greint frá því að Flanagan muni hitta nýju liðsfélaga sína þar.
Flanagan rann út á samningi hjá Liverpool í júní og kemur því frítt til Rangers.
Stjóri Rangers er Liverpool goðsögnin Steven Gerrard en hann og Flanagan voru liðsfélagar hjá Liverpool.
Athugasemdir
