West Bromwich Albion er að missa marga menn úr liðinu eftir fallið úr ensku úrvalsdeildinni.
Félagið staðfesti í dag að þrír leikmenn fara frítt þegar samningar þeirra renna út.
Argentínski miðjumaðurinn Claudio Yacob, sem á þrjá A-landsleiki að baki, er meðal þeirra sem yfirgefa West Brom. Yacob er 30 ára gamall og lék yfir 150 leiki á sex árum hjá félaginu.
Markvörðurinn Boaz Myhill, 35, og miðvörðurinn Gareth McAuley, 38, yfirgefa einnig félagið. Mögulegt er að McAuley leggi skóna á hilluna enda verður hann 39 ára í desember.
Myhill hefur verið hjá West Brom síðan 2010. McAuley kom 2011 en lék þrefalt fleiri leiki.
Athugasemdir
