„Þegar ég horfi á allan leikinn held ég að þetta teljist sanngjarnt. Þær fengu færi í fyrri hálfleik og við í seinni." Sagði Ólafur Þór eftir 2-2 jafntefli gegn sterku liði ÍBV í Garðabænum í kvöld.
Lestu um leikinn: Stjarnan 2 - 2 ÍBV
Stjarnan skorar tvö mörk í þessum leik þrátt fyrir að sóknarleikurinn virðist aðeins þurr. Með innkomu Telmu og Þórdísar breyttist sóknarleikurinn og meiri hraði kom í leik Stjörnunar.
„Hann er stirður á köflum en við sáum hann breyttist með auknum hraða þegar Telma kom inn. En við vorum aðeins að liggja til baka og ætluðum að loka markinu okkar en þær sköpuðu tvö fín færi í fyrri hálfleik sem var ekki nógu gott en við stigum upp í seinni hálfleik."
„Þetta eru tveir mjög góðir leikmenn sem eru að ná sér eftir krossbandameiðsl og það tekur bara tíma að koma sér til baka og það er gaman að sjá að það gengur vel þann tíma sem þær fá að spila." Sagði Óli að lokum svekktur en um leið ánægður með að ná í stig eftir að hafa lent undir.
Athugasemdir