Páll Viðar Gíslason, þjálfari Magna var að vonum svekktur með 5-0 tap gegn ÍA á útivelli í kvöld.
Lestu um leikinn: ÍA 5 - 0 Magni
„Maður er því miður orðinn svolítið vanur þessu. Þetta er fimmti útileikurinn og þriðji leikurinn sem við erum 3-0 undir í hálfleik. Það er svolítið sárt,"
Gengi Magna á útivöllum hefur verið afar slappt í sumar og hafa þeir tapað öllum fimm útileikjum sínum í sumar með markatölunni 16-3.
„Þetta er búið að vera rosaleg brekka hjá okkur á útivöllum og við þurfum að fara í frekari naflaskoðun. Við verðum að reyna að fá eitthvað meira úr þessum útileikjum, allavega að gefa liðunum leiki."
Magni eru þó ekki búnir að kasta hvíta handklæðinu og ætla að gera allt sem í þeirra valdi stendur til þess að halda sæti sínu í deildinni.
„Nú fer að styttast í það að við verðum komnir það mikið upp við vegginn að við verðum að ná í stig svo liðin fyrir ofan okkur fari ekki að henda okkur niður strax. Það er ekkert handklæði komið á loft á Grenivík."
Athugasemdir