Lestu um leikinn: Valur 2 -  1 FH

„Við spiluðum vel í dag, þetta var stór sigur í dag, mikilvæg þrjú stig og við bjuggum til fullt af færum í leiknum og hefðum átt að klára leikinn fyrr."

Auk þess að skora mark þá var Patrick að búa til urmul færa fyrir liðsfélaga sína og hefði viljað fá stoðsendingu líka og skaut hann létt á Kristinn Frey.

„Mér fannst að Kiddi hefði átt að skora eftir sendinguna sem ég gaf á hann en við unnum svo ég fyrirgef honum þetta."

Valur dróst gegn Rosenborg í undankeppni meistaradeildarinnar og sagði Patrick það gífurlega krefjandi verkefni.

„ Rosenborg er stórlið í Skandinavískum fótbolta og þetta verður erfiður leikur en við verðum að spila okkar leik og sjá hvernig fer."