Allardyce sagði eftir að hafa hætt hjá Palace að hann væri hættur í þjálfun. Hann segist nú til í taka við landsliði.

„Ef ég þyrfti að íhuga eitthvað, þá væri það starf hjá landsliði," sagði Allardyce við Talksport. „Það er ekki eins krefjandi og að þjálfa í ensku úrvalsdeildinni þar sem pressan er gríðarleg."

Síðasta landsliðsþjálfarastarf Allardyce fór ekkert sérstaklega vel. Hann stýrði Englandi aðeins í einum leik áður en hann samþykkti að hætta með liðið. Ástæðan var sú að Daily Telegraph tók myndband af honum að kenna mönnum að beygja reglur enska knattspyrnusambandsins um gjöld þegar kemur að félagaskiptum.