,,Þetta er gríðarlega skemmtilegt og virkilega spennandi leikur. Það er brjálað að spila tvo leiki gegn þessu liði, þetta er fáránlegt," sagði Atli Jóhannsson leikmaður Stjörnunnar eftir æfingu liðsins í gær fyrir stórleikinn sem fram fer í kvöld gegn Inter í forkeppni Evrópudeildarinnar.
Flautað verður til leiks klukkan 21:00 en löngu er orðið uppselt á leikinn.
Flautað verður til leiks klukkan 21:00 en löngu er orðið uppselt á leikinn.
,,Ef þú hefðir spurt mig að þessu fyrir sumarið þá hefði ég hlegið. Að spila tvo leiki gegn Inter Milan er draumi líkast," sagði Atli sem býst við góðri stemningu í stúkunni í kvöld og hvetur alla að taka þátt í stuðningnum með Silfurskeiðinni
,,Við erum kannski ekki vanir að spila fyrir 10 þúsund áhorfendur sem styðja okkar lið en það verður skemmtilegt og gaman að sjá völlinn fullan, af og til. Silfurskeiðin ætlar að láta til sín taka og ég hvet alla í stúkunni að taka undir. Þetta eru skemmtileg lög."
,,Þetta er svolítið kjánalegt að vera skoða þessa leikmenn í Inter. Hvort þeir séu að pressa eða ekki og hver fer upp og hver fer niður. Þetta er skemmtilegt en ég veit ekki hvað skal segja," sagði Atli sem segist vera mikill aðdáandi um ítalska boltann.
,,Það verður gaman að fylgjast með ítalska boltanum í vetur. Mitt er lið er reyndar Fiorentina en það verður gaman að sjá hvar maður stendur gegn svona köllum."
Viðtalið í heild sinni er hægt að sjá í sjónvarpinu hér að ofan.
Athugasemdir