Guðmundur Þórarinsson, leikmaður Sarpsborg 08 í Noregi og U-21 árs landsliðs Íslands hefur gefið út lagið “Ég hringi” en þetta er annað lagið sem hann gefur út á þessu ári.
Í apríl gaf hann út lagið “Bálskotinn” sem náði inn á vinsældarlista útvarpstöðva hér á landi.
Í apríl gaf hann út lagið “Bálskotinn” sem náði inn á vinsældarlista útvarpstöðva hér á landi.
,,Ég samdi þetta lag fyrir sirka tveimur árum. Vinir mínir kunnu vel að meta það svo ég ákvað að taka það upp," segir Guðmundur sem tók upp lagið hér á landi í sumar.
,,Lagið fjallar um strák sem reynir að vinna þá einu réttu til baka eftir smá mistök sem að honum urðu á en það gengur svona misvel hjá honum."
Að þessu sinni gaf hann út lagið bæði á íslensku og ensku en lagið ber heitið "Call you" á ensku og hægt er að hlusta á báðar útgáfurnar á tónlistarforritinu, Spotify.
Hér að neðan má heyra íslensku útgáfuna af lagi Guðmundar, "Ég hringi".
Athugasemdir