,,Það er frábært að mæta þeim á þessum tímapunkti. Það er stutt síðan við mættum þeim síðast. Það kom þeim á óvart hvernig við mættum þeim síðast og þær koma örugglega smá smeykar hingað," sagði markadrottningin, Harpa Þorsteinsdóttir leikmaður íslenska landsliðsins og Stjörnunnar.
Ísland mætir Danmörku í undankeppni HM á fimmtudaginn næstkomandi, á Laugardalsvelli klukkan 19:30.
Ísland mætir Danmörku í undankeppni HM á fimmtudaginn næstkomandi, á Laugardalsvelli klukkan 19:30.
,,Það er fínt að fá sumarið þessa vikuna, eina vikuna í sumar nánast. Við ætlum að gera sem best úr þessu," sagði Harpa Þorsteinsdóttir, ánægð með sólina sem lét sjá sig rétt fyrir viðtalið. Hún var mætt á hádegisæfingu með landsliðinu, eftir stuttan vinnudag á leikskólanum.
,,Ég fór í vinnuna í morgun og mætt núna á æfingu í hádeginu, það er ljúft. Ég fæ síðan frí eftir æfingu og við förum upp á hótel og slökum á og einbeitum okkur að leiknum."
,,Það má búast við erfiðum leik en skemmtilegum. Fyrri leikurinn var að minnsta kosti skemmtilegur. Ég vona að sem flestir komi á leikinn og taki þátt í þessu með okkur. Við þurfum að sækja til sigurs. Þetta er gríðarlega mikilvægur leikur og við ætlum okkur að vera einbeittar á það að ná sigri," sagði Harpa Þorsteinsdóttir.
Viðtalið í heild sinni er hægt að sjá í sjónvarpinu hér að ofan.
Athugasemdir