Síðasti leikur dagsins í þýsku Bundesligunni endaði með 2-0 sigri Mainz á Dortmund.

Dortmund sigraði Arsenal örugglega í meistaradeildinni í vikunni en annað var upp á teningunum í dag.

Fyrsta markið kom ekki fyrr en á 66. mínútu en það var japanski landsliðsmaðurinn Shinji Okazaki sem skoraði það.

Heimamenn bættu svo við öðru marki á 74. mínútu en það var sjálfsmark hjá Mattias Ginter.

Niðurstaðan því 2-0 sigur Mainz og Dortmund því búnir að tapa tveimur af fyrstu fjórum leikjunum í deildinni.