Margir undruðust það þegar Javier Hernandez, einnig þekktur sem Chicharito, var lánaður til Real Madrid frá Manchester United í sumar.

Lið Real Madrid er stjörnum prýtt og var ekki séð fram á að mexíkóski landsliðsmaðurinn, sem var varaskeifa á Old Trafford á síðustu leiktíð, fengi mikinn spiltíma.

Chicharito fékk þó tækifærið gegn Deportivo La Coruna í dag, þegar hann kom inn á sem varamaður fyrir Gareth Bale á 77. mínútu, og nýtti það tækifæri með stórkostlegu marki sem kom Real Madrid í 7-2.

Þess má geta að Hernandez skoraði aftur á 90. mínútu og gulltryggði 8-2 sigur Real.