mán 20. október 2014 13:00
Elvar Geir Magnússon
Guðjón Árni í viðræðum við FH um nýjan samning
Mynd: Fótbolti.net - J.L.
Bakvörðurinn Guðjón Árni Antoníusson er í viðræðum við FH um nýjan samning en núgildandi samningur hans er að renna út.

Guðjón hefur verið orðaður við endurkomu í uppeldisfélag sitt, Keflavík.

„Ég er bara í viðræðum við FH um nýjan samning og ætla að sjá hvað kemur út úr því," sagði Guðjón við Fótbolta.net.

Félagi hans hjá FH, Hólmar Örn Rúnarsson, opinberaði það í samtali við Vísi að hann er á leið heim í Keflavík og var hann spurður að því hvort hann ætlaði að taka Guðjón Árna með sér?

„Það eru allskonar orðrómar um þetta í gangi, en ég ætla ekkert að tjá mig um það,“ sagði Hólmar.

Guðjón Árni sem er fæddur 1983 gekk í raðir FH fyrir tímabilið 2012 en hann lék aðeins sex leiki í Pepsi-deildinni í sumar vegna meiðsla.
Athugasemdir
banner
banner
banner
banner