Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 20. október 2014 18:14
Magnús Már Einarsson
Sigurður Egill áfram í Val - Fer til Reading á reynslu
Mynd: Ingólfur Hannes Leósson
Sigurður Egill Lárusson skrifaði undir nýjan tveggja ára samning við Val í dag.

Fyrri samningur Sigurðar rann út í síðustu viku en hann var orðaður við uppeldisfélag sitt Víking og fleiri félög. Hann segist það hafa komið til greina að fara í Víking.

,,Þeir voru inni í myndinni en mér líður vel í Val og ákvað að framlengja," sagði Sigurður Egill við Fótbolta.net í dag.

Sigurður Egill var að ljúka sínu öðru timabili með Val en í fyrra fór hann aftur í Víking á láni um tíma.

Þessi 22 ára gamli miðjumaður hefur verið í U21 árs landsliðinu en hann var í hópnum gegn Dönum á dögunum.

Allt bendir til þess að Sigurður Egill muni fara til enska félagsins Reading á reynslu í næstu viku en hann er með klásúlu í nýja samningnum sem leyfir honum að semja við erlent félag. Þetta staðfesti hann í samtali við Fótbolta.net í dag.
Athugasemdir
banner
banner
banner
banner