Fanndís Friðriksdóttir skoraði fyrra mark Íslands.
Kína 2 - 2 Ísland
0-1 Fanndís Friðriksdóttir ('7)
1-1 Wang Shuang ('53)
2-1 Yang Li ('82)
2-2 Katrín Ásbjörnsdóttir ('86)
0-1 Fanndís Friðriksdóttir ('7)
1-1 Wang Shuang ('53)
2-1 Yang Li ('82)
2-2 Katrín Ásbjörnsdóttir ('86)
Nú var að ljúka leik Kína og Íslands í fjögurra þjóða æfingamóti sem fram fer í hongqing-héraði í Kína. Freyr Alexandersson landsliðsþjálfari ákvað að notast við 3-5-2 leikkerfi í fyrsta sinn en mótið er notað til að prófa nýja hluti í undirbúningi fyrir Evrópumótið næsta sumar.
Ísland fékk óskabyrjun á leiknum og komst yfir eftir sjö mínútna leik þegar Fanndís Friðriksdóttir skoraði eftir sofandahátt í vörn kínverska liðsins. Markið má sjá neðst í þessari frétt en það kom eftir að Anna Björk Kristjánsdóttir átti langa sendingu úr vörninni.
Ísland komst næstum því tveimur mörkum yfir þegar Fanndís átti skalla í slá skömmu fyrir leikhlé.
Í seinni hálfleik jafnaði Wang Shuang, lék á Glódísi Perlu Viggósdóttur og skoraði. Kínverska liðið var betri aðilinn eftir hlé og átti stangarskot áður en það komst í 2-1 með skallamarki. Guðbjörg Gunnarsdóttir fór út í boltann en greip í tómt.
Á 86. mínútu náði Ísland að jafna í 2-2 þegar Katrín Ásbjörnsdóttir skoraði en þetta er hennar fyrsta landsliðsmark í þremur landsleikjum. Úrslitin 2-2 jafntefli sem eru úrslit sem íslenska liðið er ánægðara með miðað við þróun mála í seinni hálfleik.
Ísland mætir Danmörku í þessu móti á laugardaginn en danska liðið vann Úsbekistan 2-1 í dag þar sem sigurmarkið kom í blálokin.
Mark Fanndísar
Iceland took the lead in the fifth minute with Fanndis Fridriksdottir following a mistake of China defence. 0-1 #SteelRoses pic.twitter.com/Bz8om6UeLQ
— China Women's Team (@ChinaWFT) October 20, 2016
Mark Katrínar:
Katrin Asbjornsdottir leveled the score for the Icelandics. 2-2 #SteelRoses pic.twitter.com/IbUDFJg0m2
— China Women's Team (@ChinaWFT) October 20, 2016
Athugasemdir
